我的故鄉(家鄉)(修訂稿)
劉月華/dang hōng-zing
09/23/2003
「各位評審先生、各位同學、逐家好！我是第___號
今仔日，我所卜演講的題目是『我的家鄉』」
「床前明月光，疑似地上霜，舉頭望明月，低頭思故鄉」。自古以來，男兒立志出鄉關，總免不了會佇(di)更深夜靜時，思念著家鄉，因為家鄉有足濟予人感動、使人難忘的情景。
我的家鄉著佇台灣上大的米糧倉庫。古早時代四界看會著有人用竹仔編(bìn)，竹仔外面糊(gō)塗壁，用來貯粟仔(de
cik-à)、蕃薯簽等五榖的倉庫，即款倉庫著共號做「土庫」，所以早期的地號名做「土庫」。這是一個景色優美，物資豐富，生活食穿免煩惱，四界好佚陶的好所在─仁德鄉。
時代的進步，家鄉漸漸對(ùi-)農業社會轉型到工業社會，路橋變大路、農村變都會區。好佳哉，阮學校猶原是教室kùan
kng(寬闊)，樹影(ǹg)涼涼，擱有疼惜阮的老師，佇遮(zia)讀冊攏真四序(sī)。阮阿爸講：「月是故鄉圓，人是故鄉親，水是故鄉甜」，那阮阿公著講「美不美山中水，親不親故鄉人」，講做人一定愛認識家己(dī)的家鄉，袂使忘本。歇睏時仔，阿爸上愛載我去運動公園溜冰，溜過來溜過去。咻咻咻假那一陣風，真好傸(sǹg)，公園內底的人，有的拍籃球，有的拍網球，拍籃球的佇遐(hia)拚輸贏。拍網球的一來一去若上童(ziūn-dăng)。嘛有老大人佇遐摃槌仔球，真心適，逐家攏傸甲笑咳咳。
有時，阿爸載我去伊上班的所在，奚(he)是一個工業區，順紲(sùa-)踅(seh-)入去莊仔裡。桑椹結甲枇枇枇，紅擱嫷，止咳兼補血，紅的烏的攏養身命。工業區裡底有真濟工廠。食品的芳味、塑膠味…一點仔都無走閃，逐項攏予汝鼻會著(diorh)，講實在有淡薄仔走味。
阿爸講伊細漢的時陣，當初時無啥工廠，溪流水清清清，蚵仔無變綠，水底真好傸，伊一面看牛，著順紲摸蜊、掠魚、掠蝦，拍澎泅、潛水，水底抾鴨卵(n¤g)，嘛傸甲真歡喜，即碼的少年囡仔攏無即款的機會。毋過，無要緊啦！現在的人攏知影愛注重環保，無偌久，我相信阮家鄉的溪水會擱清起來，到時著會有現代化的方便，擱有古早的趣味囉！
上好傸(sǹg)的是社區內的博物館，青翠的門口埕裡；刻甲嫷嫷(sùi)的雕像，表現著優雅的藝術氣氛，館內有濟濟樣的收藏品，動物標本、各種兵器、樂器、美術畫、雕塑，有古早嘛有現代，尤其是迄幾支小提琴（梵阿林）擱卡特殊…，予汝看甲毋知晝(dau)。雖然伊是私人博物館，毋過一點仔都袂甕肚(藏私)，不但開放予外口人參觀，擱有解說人員參逐家分享藝術的意境。迹(ziah-)濟稀罕的物件，有閒來行一逝(zuao)，一定予汝大開眼界，後擺會想卜擱來，遮(zia)著是全台灣上出名的「奇美博物館」！
當然阮家鄉的「保安火車頭」，奚(he)規棟是用松梧(siōng-ngŏ)起的。造型誠(ziān)優美，是咱台灣罕有留落來的木造車站，嘛表現了傳統建築的特色。
最後歡迎逐家相招來阮的家鄉─仁德鄉佚陶(cit-tŏr)，享受有人文、有藝術，有傳統、有現代的好所在。我的演講到遮，感謝逐家。
我的故鄉(家鄉)(原稿)
劉月華
「各位評審先生、各位同學、逐家好！我是第___號
今仔日，我所卜演講的題目是『我的家鄉』」
「床前明月光，疑似地上霜，舉頭望明月，低頭思故鄉」
自古以來，志在四方的男兒，總免不了會在更深夜靜時，思念著家鄉，因為家鄉有太多乎人感動、賜人難忘的情景。我的家鄉就在台灣最大的米穀倉庫。這在景色優美，物資豐富，若沒做阿不倒，尚少嘛吃穿免煩惱，四界好七桃。
時代的進步，家鄉漸漸從農業社會轉型到工業社會，橋變大路、農村變都會。好佳在阮學校，原在是教室充足，樹影涼涼涼，擱有疼惜阮的師長，在這上課下課，隴真舒適。阮阿爸說：「月是故鄉圓，人是故鄉親，水是故鄉甜」做人一定要認識自己的家鄉。休睏時仔，阿爸上愛載我去運動公園溜冰，溜過來溜過去。咻咻咻甲若一陣風，真快活，公園裡底的人，有的打籃球，有的打網球，打籃球的在那拼輸贏。打網球的一來一去若跳童。嘛有老大人的槌仔球，很心適，大家攏玩甲笑微微。
有時，阿爸載我去他上班的所在，那就是工業區，順勢彎入去莊裡。桑椹結甲比比比，紅擱美，止咳兼補血，紅的黑的攏養身命。工業區裡底有很多工廠。食品的香味、塑膠味…一點仔都沒走閃，逐項都乎你聞得到，尚好玩的，是裡底的博物館。
青青的門口埕裡；刻甲美美的雕像，表現著優雅的藝術氣氛，館內有很多樣的收藏品，動物標本、各種兵器、樂器、卬仔圖（畫作）、雕塑，有古早嘛有現代，尤其是彼幾支小提琴（梵阿林）擱卡特殊…乎你看甲不知午。雖然他是私人博物館，不過一點都袂藏私，不但開放乎大家參觀，擱有解說人員和大家分享藝術的美和好。這多稀奇的物件，來一趟，一定乎你大開眼界，下次口麥擱來！
坐飛機看天頂，坐大船看海湧，坐火車看風景，坐公車錢卡省。八月初八迄一工，阿爸載阮一家伙仔去保安火車頭，奚(he)規棟是用松梧起的。造型誠(ziān)優美，是咱台灣罕有留落來的木造車站。小小的莊跤(ka)，買車票的人排隊排甲長長長。原來，擱是為著卜佇「八八節」，買一個「永保安康」的車票做紀念啦∼阿爸嘛買九張予阮一家人。阮才擱去糖廠享受奚純糖的冰枝佮小麥草汁，另外頂港有名聲，下港有上出名的紅豆酵母，又芳香又有底呢。
上山嘛一工，落海嘛一工，既然出門，著(dorh)一兼二顧，摸蜊仔兼洗褲。順紲去食金光強強滾的金光麵，啊若貝汝、蝴蝶農場、廟寺、飛機場，就另工才來去囉！
阮一傢伙仔，玩甲真歡喜，阿爸擱說這還不夠看呢？卡早他細漢的時陣豬仔飼卡少，工廠嘛少，溪流水清清清，蚵仔沒變綠，水裡很好玩，他那看牛時，摸蛤抓魚抓蝦，打澎泅潛水，水底撿鴨蛋，卡玩嘛袂膩。不過，不要緊啦！現在的人攏知影要注重環保，不外久，阮的溪水會擱清起來，阮的家鄉就會同時有現代化的方便，擱有古早的趣味囉！
歡迎您相招鬥陣大家來（仁德鄉）七桃，體驗阮家鄉的美。會記得喔∼我真誠懇底邀請您。
我的演講到這，感謝大家。